Frymëzuar nga Lëvizja e Gjerë Qytetare e Protestave në Shqipëri, Global Albanian Academics Network (GAAN) organizon:
Konferenca eAkademikëveShqiptarëTë Diasporës
Shqipëria 2026 – Demokracia, Institucionet dhe Integrimi Evropian në Udhëkryq.Nisma për hartimin e Raportit Akademik "Shqipëria 2026"
KONFERENCA E AKADEMIKËVE SHQIPTARË TË DIASPORËS
DATA
24–25 Tetor 2026
VENDI
Rogner Hotel, Tiranë, Shqipëri
EVIDENCË
Analizë shkencore e bazuar në fakte
BASHKËPUNIM
Diaspora dhe akademia vendase bashkë
REFORMA
Propozime konkrete për ndryshim
EKSPERTIZË GLOBALE
Dija ndërkombëtare në shërbim të Shqipërisë
Protestat e vazhdueshme qytetare në Shqipëri kanë nxjerrë në pah sfida të rëndësishme që lidhen me korrupsionin, mosfunksionimin e institucioneve dhe shkeljen e Kushtetutës Shqiptare. Në shërbim të plotë të kësaj proteste, kërkohet reflektim dhe analizë me bazë shkencore, me qëllim që zhvillimet aktuale të kuptohen në një kontekst më të gjerë institucional dhe shoqëror.
Për herë të parë, akademikët shqiptarë të diasporës do të mobilizohen bashkë për të dhënë një kontribut të strukturuar shkencor në funksion të reformimit të Shqipërisë. Pjesëmarrja e akademikëve të diasporës do të sigurojë prurjen e formimit të tyre akademik ndërkombëtar në të gjitha fushat si: politikë, drejtësi, ekonomi, arsim, shëndetësi, media dhe komunikim, sociologji, mjedis, psikologji, teknologji dhe inovacion.
Rezultati kryesor i konferencës synohet të jetë realizimi i "Raportit Akademik Shqipëria 2026", që do të jetë një analizë e shoqëruar me reforma konkrete për formimin e shtetit të ri të së drejtës, mekanizmave kundër korrupsionit dhe rritjes së pjesëmarrjes qytetare në proceset vendimmarrëse.
NJË URË BASHKËPUNIMI PËR SHQIPËRINË
Konferenca synon të krijojë një lidhje të menjëhershme ndërmjet akademikëve shqiptarë të diasporës dhe komunitetit akademik në Shqipëri, duke nxitur bashkëpunimin dhe zhvillimin e iniciativave të përbashkëta.
Nëpërmjet një Forumi Akademik të Hapur, akademikë dhe ekspertë nga Shqipëria do të ftohen të ndajnë perspektivat, analizat dhe rekomandimet e tyre mbi sfidat dhe prioritetet e reformimit të vendit.
Kontributet e këtij forumi do të integrohen në procesin e hartimit të Raportit Akademik Shqipëria 2026, duke pasuruar analizën me përvoja dhe këndvështrime nga fusha të ndryshme.
Rogner Hotel, Tiranë
Bulevardi Dëshmorët e Kombit, Tiranë, Shqipëri
Regjistrohu në konferencë.
24–25 Tetor 2026 · Rogner Hotel, Tiranë
